Ensaluti

Memoru min

LA VORTARO VORTARO*

Por malfermi la vortaron, alklaku la supran butonon. Klarigoj pri kiel uzi la vortaron troveblas ĉe "Helppaĝoj".

>“La Vortaro”Pilger: “BER”Bick: “Esperanto-dansk”>

Helpo: * ? Pli....

LA TUJMESAĜILO TUJMESAĜILO*

Per ĉi tiu tujmesaĝilo vi povas babili kun aliaj uzantoj de lernu!. Por ekigi la mesaĝilon, alklaku unu el la supraj butonoj. Pliaj informoj troveblas ĉe "Helppaĝoj".

Helpo * *

/ Enkonduko /

Kial lerni? Kiel lerni?

Jes, kial? Aŭ, kial ne?... Malsupre vi vidos kiel unu el la lernu!-teamanoj respondis al ĉi tiu demando. montrilo Zam

Ĉar Konkreta ekzemplo
  • Estas amuze lerni novan lingvon kiu estas pli regula kaj fleksebla ol aliaj lingvoj kutime estas.
    		• Kiam mi devis lerni la anglan en la lernejo, mi foje ekploris pro ĉiuj neregulaĵoj kaj strangaj reguloj. Tio ne okazis kiam mi lernis Esperanton.
  • Estas bone por la memfido ekregi fremdan lingvon.
    		• Dum pli ol dek jaroj mi provadis ekregi la anglan sed malsukcesis! Kiam mi post 3 jaroj da maldensa Esperanto-studado libere esprimis min per ĝi, mi estis tre kontenta pri mi mem.
  • Tio helpos vin lerni pri ĝeneralaj lingvaĵoj.
    		• Ekzemple mi ne sciis kio estas adverbo antaŭ ol mi ekstudis Esperanton.
  • Poste estos pli facile lerni ankoraŭ lingvon se vi volus tion.
    		• Tion mi almenaŭ aŭdis de amikoj kiuj lernis aliajn lingvojn post Esperanto... Tamen, mi mem estas tro pigra por lerni novan nacian lingvon.
  • Tiel vi subtenos bonan ideon kiu baziĝas sur neŭtrala lingva fundamento kaj celas forigi la murojn inter la popoloj kaj krei amikecon inter ĉiuj homoj.
    		• Sentiĝas bone subteni vere konkretan pacoprojekton, kvankam estas malfacile memori mem ĉiam esti pacema.
  • Tiel vi ekhavos aliron al la kulturo ĉirkaŭ la lingvo Esperanto.
    		• Unu el la plej interesaj libroj kiujn mi iam ajn legis estas origine verkita en Esperanto.
  • Tiel vi havos aliron al alternativa internacia informofonto.
    		• CNN-n mi ege ŝatas, sed foje indas paroli kun iu "lokano" kaj aŭdi kiel tiu spertis la okazaĵon antaŭ ol krei sian propran opinion.
  • Tiel vi povos relative facile eniri fremdajn kulturojn.
    		• Manĝi kun familio en Pekino, skii kun bona amiko en Pollando, loĝi kun koramikino en Beogrado - tion mi certe ne farintus sen Esperanto.
  • Per Esperanto vi povas samnivele komuniki kun homoj el aliaj landoj.
    		• Kiam mi foje parolis angle kun Argilo el Kanado (programisto de lernu!) mi sentis min en malsupera pozicio. Uzante Esperanton kun li, mi sentas ke ni ambaŭ estas samnivelaj, almenaŭ el lingva vidpunkto.
  • Kiam vi parolas Esperanton vi povos iri al interesaj kaj amuzaj aranĝoj dise de la mondo.
    		• Somere mi planas iri al granda junulara renkontiĝo en Rusio kaj eventuale ankaŭ al seminario en Ĉinio, mi jam antaŭĝojas.
  • Ĉe Esperantistoj vi povas kutime senkoste gasti.
    		• Kial pagi por hotelo se vi povas loĝi ĉe Esperantisto? Ĉi tion mi ofte aplikis dum miaj vojaĝoj kaj ŝparis multe da mono.
  • Dank’ al kono de Esperanto, vi povas malmultekoste vojaĝi al diversaj trejnseminarioj.
    		• Mi pensas ke mi partoprenis aŭ aranĝis pli ol dek trejnseminariojn kaj preskaŭ ĉiam TEJO pagis la vojaĝ- kaj restadkostojn.
  • Kiam vi parolos la lingvon, vi povos aktiviĝi en internaciaj organizoj, multon lerni pri kiel tiaj organizoj funkcias kaj mem organizi aferojn.
    		• Por mi estis tre agrabla kaj grava sperto esti en diversaj estraroj, organizi seminariojn, aranĝi festivalojn kaj simile.
  • Per Esperanto vi povos spertiĝi pri internaciaj kaj interkulturaj rilatoj.
    		• Kiam oni ofte komunikas kaj rilatas kun homoj el aliaj landoj kaj kulturoj, estas tute nature ke oni lernas el tio, kvankam foje nur post pluraj miskomprenoj kaj mirado.
  • Tiel vi trovos novajn amikojn en multe da diversaj landoj.
    		• Post kelkaj jaroj en Esperantio, mi subite rimarkis ke mi havas multe pli da amikoj eksterlande ol en mia hejmlando.
  • Nur tiel vi povas kontroli ĉu Esperanto estas bona lingvo aŭ ne, kaj ĉu la supraj punktoj veras!
    		• Ne kredu min, provu mem.
    (Respondis Hokan LUNDBERG)



    Enkonduko  Lernado per <i>lernu!</i>