La komenco

Esperanto estis iniciatita de L.L.Zamenhof fine de la 19-a jarcento per libreto nomata Lingvo Internacia. Homoj kiuj sopiris havi internaciajn kontaktojn eklernis la lingvon kaj komencis uzi ĝin. En tiu maniero Esperanto 'naskiĝis' sur la tero. Iom post iom ĝi stabiliĝis kaj evoluis al lingvo uzata kaj ŝatata de homoj en multaj landoj.

Unuaj cent jaroj

Zamenhof prezentis la lingvon en 1887 kaj dum la unuaj cent jaroj ĝi iom post iom disvastiĝis tra la mondo. La bazaj principoj de gramatiko, vortfarado kaj elparolo ne ŝanĝiĝis sed la senco de kelkaj vortoj aliiĝis kaj enmetiĝis multaj novaj radikoj en la lingvo. Cent jaroj ne estas longa tempo por lingvo! Sed jam dum tiu tempo multaj homoj lernis kaj uzis la lingvon kaj per tio kontribuis al ties natura evoluo.