"La interna ideo de Esperanto estas: sur neŭtrala lingva fundamento forigi la murojn inter la gentoj kaj alkutimigadi la homojn, ke ĉiu el ili vidu en sia proksimulo nur homon kaj fraton" [L. Zamenhof, 1912]

La baza ideo de Esperanto temas pri subteni toleremon kaj respekton inter homoj de diversaj popoloj kaj kulturoj. Komunikado ja estas esenca parto de interkompreniĝo kaj se la komunikado okazas per neŭtrala lingvo tio povas helpi al la sento ke oni 'renkontiĝas' je egalaj kondiĉoj kaj respekto unu por la alia.

Kiel ordinara uzanto de Esperanto oni malofte pensas pri "neŭtrala lingva fundamento" kaj tiaj belaj vortoj. Oni simple ĝojas havi la eblon sin libere kaj nature esprimi en interparoloj kun homoj de aliaj landoj kaj kulturoj.