Por ne preterlasi iun mesaĝon ĉe forumoj, novaĵon de lernu! aŭ vorton de la tago, ni proponas al vi aboni ilin pere de RSS-fluo.

Kiel uzi la servon?

Dekstre en la adres-linio (URL) de via retumilo aperas la jena aŭ simila bildeto. Se vi alklakos ĝin, vi vidos skribon, ekzemple, "Subscribe to 'Lastaj novaĵoj'", t.e. proponon aboni lastajn novaĵojn pere de RSS-fluo. Eblo aboni lastajn novaĵojn estas ĉe ĉiuj paĝoj de lernu!. Ĉe forum-paĝoj eblas aboni la forumojn kaj ĉe la paĝoj de vorto de la tago - vorton de la tago. Tion montras koncernaj skriboj por la bildeto de RSS. Ĉe forum-paĝoj la bildeto aperas ankaŭ apud ĉiu kategorio ("En Esperanto" kaj "En aliaj lingvoj") kaj apud ĉiu temo, kaze se vin interesas nur iu konkreta temo.

Atentu, ke necesas havi specialan programon - RSS-legilon (se ĝi ankoraŭ ne ekzistas en via retumilo), se vi volas aboni ion pere de RSS. Ekzistas diversaj senpagaj programoj por tio, instaleblaj kaj retaj. Serĉu en la reto "rss reader" kaj vi trovos taŭgan por vi.

Se vi elektis la parton, kiu vin interesas kaj kiun vi volas aboni, alklaku la skribon ĉe la bildeto de RSS. La programo (RSS-legilo) mem aldonos la ligilon kaj de tiam vi povos ricevadi la informojn en la programo mem. Vi povos en ajna momento malaboni la RSS-fluojn de lernu!.