"Ana renkontas" estas korespondkurso por vi, kiu jam havas iom da scio pri Esperanto. Tiu ĉi kurso estas daŭrigo de la kurso Ana Pana kaj ĉefe celas instrui kiel dialogi.

La kurso konsistas el ok partoj. La ideo estas, ke vi por ĉiu parto:
1) legu tekston/dialogon kaj sendu respondojn de demandoj al lingvohelpanto
2) faru "dialogekzercojn", kiuj ankaŭ sendiĝas al lingvohelpanto.
La lingvohelpanto poste respondos al vi per eventualaj ĝustigoj kaj komentoj.

Ĉar tiu ĉi kurso estas meznivela, vi jam devus havi sufiĉajn sciojn por povi skribi vian demandon aŭ komenton en Esperanto. Do provu vortigi ĝin en tiu ĉi lingvo. Sed se la demando estas tre komplika, vi povas skribi ĝin en alia lingvo, kaze ke vi elektis lingvohelpanton, kiu komprenas ĝin.

Komunikiĝi kun aliaj (dialogi) ja estas tre esenca parto de lingvoj. Por helpi vin fari tion per Esperanto, ni kreis tiun ĉi kurson, kaj por respeguli realan uzon de la lingvo, en la rakonto estas uzata junuleca lingvaĵo, ne ĉie adaptita por infanoj.

Bonan "dialogumadon"!