Por ke lernu! ekzistu kaj funkciu bedaŭrinde ne sufiĉas nur bonegaj kunlaborantoj. Por povi akcepti multajn uzantojn, lernu! uzas multekostan ret-servilon. Por povi sekvi la evoluon de la reto kaj retaj teknikoj, por kreski kaj pliboniĝi, lernu! bezonas diligentajn programistojn. Por ke la uzantoj havu konstantan subtenon kaj respondojn al siaj demandoj en ĝusta lingvo kaj de ĝusta persono, iu devas ĉiam esti tie por kunordigi la komunikadon. Se lernu! volas pli aktive informi pri Esperanto, premii plej diligentajn paĝaruzantojn aŭ antaŭenigi lernilojn kaj vortarojn en Esperanto, ankaŭ tio evidente kostas monon.

La esplorfonduso Esperantic Studies Foundation dum la pasintaj jaroj (2002-2012) financis la projekton, sed nun ŝatus iom post iom malgrandigi sian financan subtenon. Pro tio gravas via kontribuo, malgranda aŭ granda! Ni elkore dankas la personojn, kiuj jam donacis al la projekto! Do, se vi havas eblon kaj volas, vi povas finance subteni lernu! en iu el la sekvaj manieroj:

• PayPal-konto
• UEA-konto - al konto lern-a, sendante pagordonon al UEA, kopie sendu ĝin ankaŭ al teamo@lernu.net
• Bankokonto - skribu al de kiu lando vi volas pagi, por ricevi detalajn kontoinformojn
• Sendante ĉekon je "Schulze Education Endowment" al la adreso
• Wallace G. Du Temple
  765 Braemar Avenue
  North Saanich, BC
  Canada V8L 5G5

Donacoj al lernu! kaj ESF estas dekalkuleblaj en impostdeklaro en Usono, sendepende de ĉu oni donacas per PayPal, ĉekoj aŭ konttranspago. Se vi ŝatus ricevi kvitancon, sendu vian ret- aŭ paperpoŝtan adreson al .

Se vi volas, vi povas indiki kiun parton de la lernu!-laboro vi ŝatus subteni.

Vi ankaŭ povas, ekzemple, mem sendi premion al gajninto(j) en iu el lernu!-konkursoj, nur interkonsentu kun ni pri tio unue.

Ajna via kontribuo estus tre bonvena!

Antaŭdankas,
La teamo kaj la uzantaro de lernu!

PS. Ankaŭ eblas helpi al lernu! praktike, ekz. per tradukado, lingvohelpado, ks. Vi estas bonvena kontakti !